Lesson Plan - Geography (in Tamil)

 பாடத்திட்டமிடல் - புவியியல்

1. திகதி :.......

2. பாடம் : புவியியல்

3. தரம் : 7

4. பாடவேளை : 1

5. நேரம் :  8.40 –  9.20

6. பாட அலகு :  இயற்கை இடர்களும் அனர்த்தங்களும்.

7. பாட விடயம் : அனர்த்தத்திற்கு முகம் கொடுத்தல்.

8. மாணவர் தொகை : 20

9. தேர்ச்சி : வாழ்வின் சவால்மிக்க சந்தர்ப்பங்களை எதிர்கொள்ள  உதவும் சிறப்பான உயிர்ப்பாதுகாப்பு திறன்களை பயன்படுத்துவார்.

10. தேர்ச்சி மட்டம் : இயற்கை அனர்த்தங்களுக்கு முகங்கொடுக்கும் விதம் தொடர்பான தகவல்களை முன்வைப்பார்.

 11. நடத்தைசார் நோக்கங்கள்

அறிகையாட்சி நோக்கங்கள 

• மாணவர்கள் அனர்த்த முகாமைத்துவம் என்றால் என்ன? என்பது தொடர்பில் விளக்குவர்.
• மாணவர்கள் அனர்த்த முகாமைத்துவத்தின் மூன்று கட்டங்களை பெயரிடுவர்.
• மாணவர்கள் அனர்த்த நிலமைகளின் போது மேற்கொள்ள வேண்டிய நடவடிக்கைகளை அனர்த்த முகாமைத்துவ கட்டங்களுக்கமைய பட்டியல்படுத்துவர்;.
  
  

உளவியக்க ஆட்சி நோக்கங்கள்

• மாணவர்கள் அனர்த்த முகாமைத்துவ கட்டங்களை அடிப்படையாகக் கொண்டு அனர்த்த நிலமைகளின் போது மேற்கொள்ள வேண்டிய நடவடிக்கைகள் தொடர்பில் வகிபாகமேற்று நடித்துக்காட்டுவார்.

மனவெழுச்சியாட்சி

• மாணவர்கள் அனர்த்த முகாமைத்துவ நடவடிக்கைகள் மூலம் பேரிடர்களால் ஏற்படும் பாதிப்புக்களை இயலுமான அளவு குறைக்கலாம் என ஏற்றுக்கொள்வார்.
  

 12. கற்பித்தல் முறைகள் கலந்துரையாடல் முறை, குழுமுறை, வினாக்கேட்டல்.

 13. கற்பித்தல் துணைச்சாதனம் : 

அனர்த்த முகாமைத்துவம் என்றால் என்ன?,
அனர்த்த முகாமைத்துவத்தின் பிரதான கட்டங்களை உள்ளடக்கிய சுவரொட்டி, அனர்த்த முகாமைத்துவ செயற்பாடுகளை வெளிப்படுத்தும் காணொளி

 படி – 1
பாடப்பிரவேசம்
மாணவர்களிடம் அனர்த்த நிலைமைகளின் போது உஙகளை பாதுகாக்க நீங்கள் எவ்வாறான நடவடிக்கைளை கையாள்வீர்கள் என வினாக்களை வினவி கலந்துரையாடி பாடவிடயத்துடன் தொடர்புபடுத்துவார்.

அனர்த்த முகாமைத்துவம் என்றால் என்ன? என்பது தொடர்பான குறிப்புக்கள் மற்றும் படங்கள் உள்ளடங்கிய காணொளியை காட்சிப்படுத்தி மாணவர்களிடம் வினாக்களை வினவி கலந்துரையாடி பாடவிடயம் தொடர்பான அறிவை வழங்குவார்.

 

 படி – 2
 மாணவர்களை குழுச்செயற்பாட்டில் ஈடுபட வழிப்படுத்துவார்.

அறிவுறுத்தல் படிவம்

• வகுப்பில் உள்ள மாணவர்களை 5 பேர் கொண்ட 4 குழுக்களாக பிரிக்கப்படுவார்.
• ஓவ்வொரு குழுவிற்கு வழங்கப்படும் அனர்த்தங்களுக்கு பொருத்தமான அனர்த்த முகாமைத்துவ நடவடிக்கைகளை, அனர்த்த முகாமைத்துவ கட்டங்களுக்கமைய வகுப்பறையில் குழுவாக கண்டறிய  வழிப்படுத்துவார்.
• ஒவ்வொரு குழுவிற்கும் செயற்பாட்டிற்கு 4 நிமிடங்களும் முன்வைப்பிற்கு 3 நிமிடங்களும் வழங்கப்படும்.
  

செயற்பாட்டுப்பத்திரம்

 

குழுக்கள்	வழங்கப்படும் செயற்பாடுகள்
குழு 1	வரட்சிக்கு பொருத்தமான முன்னாயத்த நிலை, பதிலிறுத்தல் நிலை மற்றும் மீண்டெழும் நிலை ஆகிய படிகள் தொடர்பில் விளக்குவர்
குழு 2	வெள்ள அனர்த்தத்துக்கு பொருத்தமான முன்னாயத்த நிலை, பதிலிறுத்தல் நிலை மற்றும் மீண்டெழும் நிலை ஆகிய படிகள் தொடர்பில் விளக்குவர்
குழு 3	நிலநடுக்கத்திற்கு பொருத்தமான முன்னாயத்த நிலை, பதிலிறுத்தல் நிலை மற்றும் மீண்டெழும் நிலை ஆகிய படிகள் தொடர்பில் விளக்குவர்
குழு 4	மாணவர்கள் அனர்த்த நிலமைகளின் போது மேற்கொள்ள வேண்டிய நடவடிக்கைகள் தொடர்பில் வகிபாகமேற்று நடித்துக்காட்டுவார்..

 

படி – 3

படி 2 இல் மாணவர்களால் மேற்கொள்ளப்பட்ட குழுச்செயற்பாடுகளை முன்வைக்க சந்தர்ப்பமளிப்பார். ஒவ்வொரு குழுவும் முன்வைத்த பின்பு அதிலுள்ள குறை நிறைகளை சுட்டிக்காட்டி, சிறப்பாக செயற்பட்ட மாணவர்களை பாராட்டி, ஏனைய மாணவர்களினது கருத்துக்களையும் கேட்டறிந்து மாணவர்களுக்கு இது தொடர்பான மேலதிக தகவல்களை வழங்குவார்.

படி – 4
மாணவர்களிடம் அனர்த்த முகாமைத்துவம் என்றால் என்ன? அதன் பிரதான கட்டங்கள், அனர்த்த முகாமைத்துவ கட்டங்கள் ஒவ்வொன்றிலும் மேற்கொள்ள வேண்டிய நடவடிக்கைகள் தொடர்பாக மாணவர்களிடம் வினாக்களை வினவி பாடச்சுருக்கத்தை மேற்கொள்வார்.

படி – 5

பின்வரும் வினாக்களுக்கு சுருக்கமான விடை தருக.

1. அனர்த்த முகாமைத்துவம் என்றால் என்ன ?
2. அனர்த்த முகாமைத்துவத்தின் பிரதான 3 படிகளையும் தருக.
3. சூறாவளி ஏற்பட முன்னர் மேற்கொள்ள வேண்டிய முன்னாயத்த நடவடிக்கைளைக் கூறுக?
4. இடி மின்னல் அனர்த்த நிலமைகளின் போது மேற்கொள்ள வேண்டிய நடவடிக்கைகளை கூறுக?.